Lieu : Monastir

البحث عن اخي المفقود بتاريخ 22 09 2022 في هجرة غير نظامية نحوا ايطاليا المعلومات تفيد بوصول المجموعة لكن لم نتمكن من الوصول اليهم حسب صور الجرائد الالكترونية الايطالية الرجاء التدخل العاجل لايجاد اخي

عندي معلومات مؤكدة انو ولدي حي و وصل من اول نهار مترجمة في سنتر بانتاليريا جاوبتني وعرفتني بروحها اسمها زهرة قاتلي اولادكم وصلو و زيد عندي اثبات بالصور وقت نازلين من مركب الانقاذ .لازم دولتنا تتكلم علينا لانو فما اتفاقية يحبو ينقصو من نسبة الحرقة .لكن الامهات هي اللي تحرقت بربي حسو بينا

اني خويا ادم المروقي خرج في هجرة غير نظامية يوم الخميس 26 اكتوبر 2023 في ليل و وصلو فجر نهار سبت خويا ما كلمنيش و صحابو لهوما ستة طبلبية كيف كلمنهم قالوا تقصمنا groupet و ما نعرفوا شي عليه شوفناه علي شط و كل يوم يتبدل كلام جديد في وقت خويا مت من اول لحضة …. خويا مت كيف ادم الغربي شوهر (Fernanda) هبط لعباد في بلاصة غارقة خويا ادم المروقي شوهر (شحي ) قالوا كيفاه تهبطهم في بلاصة كيف كك قالوا انتي شيهمك و ضربوا علي راسو و هبطوا و خويا ما يعرفش ايعوم و كان لكل يعرفوا لخويا مت و قعدوا يكذبوا علينا باش لحقيقة تتخب اما حق خويا منيش باش نسلموا فيه حتي لموت و كل واحد باش يتحسب خاتر هذي عصابات كبير

نحب نسمع علي خبر علي ولدي توحشتوا معش نجم نرقد ديما في بالي كل ليلة نحلم بيه توة عام ماسمعتش عليه حتي خبر من 25 ديسمبر محروقة عليه مشيت كل السلط و ماردوليش حتي جواب و حتي خبر علي ولدي حتي رئيس الجمهورية قالي نعاونك و لتوة ما وصلت حتي خبر علي ولدي نحبكم تعاونوني و تشوفلي حل الي ولدي راني نرقد بالدواء و قلبي محروق و لدي راهو خرج يخدم ما حرقش من عمروا 12 عام هو يخدم في البحر معندوا علاش باش يحرق أن شاء الله يا رب نسمع عليه خبر خير و حسبي الله و نعم الوكيل في الي هزولي ولدي و نطلب من السلطات الأيطالية تعاوني كان عايش يجبوهولي كان ميت لا قدر الله يجبوهولي

انحبوا نعرفوك وييينك يااعزيز نا رانا اتعبنا ياااااسر عام ونصف مانعرفو اعليك حتى اي شئ كل الناس اعاونونا يرحم والديكم انقذونا صبرنا فرغ و مرظنا